До доцна во ноќта општинскиот кризен штаб беше активен и ја следеше состојбата со пожарите кои ја зафатија Скопска Црна Гора.
По разговор со командирот на полициската станица и со останатите надлежни институции, општина Бутел својата механизација ја стави на располагање и подготвена за делување.
Вчеравечер доброволни екипи од месната заедница Љубанци учествуваа во гаснење и локализирање на пожарите.
Градоначалникот Дарко Костовски оствари телефонски разговор со претставници на општествено одговорни компании кои можат дел од својата градежна механизација да стават на располагање.
